Thursday 17 November 2016

வாழைத்தண்டு கோதுமை அடை


தேவையானவை: நறுக்கிய வாழைத்தண்டு, கோதுமை மாவு - தலா 1 கப், நறுக்கிய வெங்காயம், கறிவேப்பிலை, கொத்தமல்லி - தலா 1/2 கப், நறுக்கிய பச்சைமிளகாய் - 4, புதினா இலை - 2 டீஸ்பூன், சீரகம், தயிர் - தலா 1 டீஸ்பூன், மிளகு - 1/4 டீஸ்பூன், உப்பு, எண்ணெய் - தேவையான அளவு.

செய்முறை: வாழைத்தண்டு, தயிர், உப்பு சேர்த்து, 10 நிமிடங்கள் ஊறவிடவும். பின், அதனுடன் கோதுமை மாவைச் சேர்த்துப் பிசைய வேண்டும். இதனுடன், நறுக்கிய வெங்காயம், பச்சைமிளகாய், கறிவேப்பிலை, புதினா, கொத்தமல்லி, பொடித்த சீரகம், மிளகு, உப்பு ஆகியவற்றைச் சேர்த்து நன்றாகப் பிசையவும். தேவைப்பட்டால், சிறிது நீர் சேர்த்துக் கரைக்கவும். கலவையைக் குழைவாகப் பிசைந்து, சூடான தோசைக்கல்லில் சிறு அடைகளாகத் தட்டி, சுற்றிலும் எண்ணெய் ஊற்றி, இருபுறமும் வேகவைத்து எடுத்து புதினா சட்னி அல்லது தேங்காய் சட்னியுடன் சேர்த்துப் பரிமாறவும்.

பலன்கள்: சிறுநீரகத்தில் கல் உருவாவதைத் தடுக்கும். நீரை வெளியேற்றும். சிறுநீர் நன்றாகப் பிரியும்.

No comments:

Post a Comment