Thursday 17 November 2016

வாழைப்பூ அவல் கிச்சடி


தேவையானவை: வேகவைத்த வாழைப்பூ - 1/2 கப், அவல் - 1 கப், நறுக்கிய கேரட், பீன்ஸ், வெங்காயம் - தலா 1/4 கப், பச்சை மிளகாய், காய்ந்த மிளாய் - தலா 2, பெருங்காயத் தூள், கறிவேப்பிலை, நறுக்கிய கொத்தமல்லி, உப்பு, கடுகு, உளுத்தம் பருப்பு, எண்ணெய், எலுமிச்சைச் சாறு - தேவையான அளவு.

செய்முறை: வாணலியில் எண்ணெய் ஊற்றி கடுகு, உளுத்தம் பருப்பு, பச்சைமிளகாய், காய்ந்த மிளகாய், கறிவேப்பிலை சேர்த்து வதக்க வேண்டும். பிறகு, வெங்காயம், பீன்ஸ் போட்டு நன்றாக வதக்க வேண்டும். கேரட், மஞ்சள் தூள், பெருங்காயத் தூள் சேர்த்து நன்றாகக் கிளறி, வேகவைத்த வாழைப்பூ, சுத்தம் செய்து கழுவிய அவல், உப்பு சேர்க்க வேண்டும். அவல் சூடானதும் கொத்தமல்லி தூவி, எலுமிச்சைச் சாற்றைப் பிழிந்து பரிமாறவும்.

பலன்கள்: செரிமானத்தை மேம்படுத்தும். வைட்டமின்கள், தாதுஉப்புக்கள் நிறைந்திருப்பதால், வளரும் குழந்தைகள், பெண்கள், கர்ப்பிணிகள் சாப்பிடலாம்.

No comments:

Post a Comment