ஜவ்வரிசி பாயசம்

ஜவ்வரிசி பாயசம்

ஜவ்வரிசி பாயசம்

 

தேவையானவை:

 

ஜவ்வரிசி - 125 கிராம்

பால் - 750 மில்லி

சர்க்கரை - 125 கிராம்

ஏலக்காய்த்தூள் - சிறிதளவு

உலர்ந்த திராட்சை (கிஸ்மிஸ்) - சிறிதளவு

முந்திரிப்பருப்பு - சிறிதளவு

நெய் - ஒரு டீஸ்பூன்

 

செய்முறை:

 

வாய் அகன்ற பாத்திரத்தில் ஜவ்வரிசியைச் சேர்த்து தண்ணீர் ஊற்றி இரண்டு மணி நேரம் ஊற விடவும். ஜவ்வரிசியின் அளவு பெரியதாகிவிடும். அடுப்பில் அடிப்பகுதி கனமான பாத்திரத்தை வைத்து, பால் ஊற்றி கொதித்ததும் சிம்மில் வைத்து, பால் அரை லிட்டராகும் வரை கொதிக்க விடவும். இதில் ஜவ்வரிசியைச் சேர்த்து நிறம் மாறும் வரை வேக விடவும். இத்துடன் சர்க்கரையைச் சேர்த்துக் கரைய விடவும். ஏலக்காய்த்தூள் சேர்த்துக் கலக்கி விடவும். அடுப்பில் கடாயை வைத்து நெய் விட்டு முந்திரிப்பருப்பு, உலர்ந்த திராட்சை (கிஸ்மிஸ்) வறுத்து பாயசத்தில் சேர்த்து இறக்கிப் பரிமாறவும்.