கோதுமை ரவைக் கொழுக்கட்டை

கோதுமை ரவைக் கொழுக்கட்டை

கோதுமை ரவைக் கொழுக்கட்டை

 

தேவையானவை:

 

 கோதுமை ரவை - ஒரு கப்

 தண்ணீர் - 3 கப்

 தேங்காய்த்துருவல் - 2 டேபிள்ஸ்பூன்

 கடலைப்பருப்பு - 2 டேபிள்ஸ்பூன்

 உப்பு - தேவையான அளவு

 

தாளிக்க:

 

 எண்ணெய் - 2 டீஸ்பூன்

 கடுகு - கால் டீஸ்பூன்

 உளுத்தம்பருப்பு - ஒரு டீஸ்பூன்

 காய்ந்த மிளகாய் - 3

 கறிவேப்பிலை - 10

 கடலைப்பருப்பு - 1/2 டீஸ்பூன்

 

செய்முறை:

 

கடலைப்பருப்பை நன்கு கழுவி, ஒரு பாத்திரத்தில் சேர்த்து ஒரு மணி நேரம் ஊறவிடவும். வாணலியை அடுப்பில் வைத்து எண்ணெய்விட்டு சூடானதும் தாளிக்க கொடுத்தவற்றைச் சேர்த்து தாளிக்கவும். பிறகு 3 கப் தண்ணீர், தேவையான அளவு உப்பு சேர்த்து நன்கு கலக்கவும். இத்துடன் கோதுமை ரவை, ஊற வைத்த கடலைப்பருப்பு, கடைசியாக தேங்காய்த்துருவலைச் சேர்த்துக் கிளறி பாத்திரத்தை ஒரு மூடியால் மூடி வேகவிடவும். கலவை நன்கு வெந்தவுடன் ஆற விட்டு, உருண்டை பிடிக்கவும். பிறகு ஆவியில் 10 நிமிடம் வேகவைத்து எடுக்கவும்.

 

குறிப்பு:

 

ஊறவைத்த கடலைப்பருப்பை, கோதுமை ரவையைச் சேர்க்கும் போது சேர்த்து வேகவிடவும்.