சளி கஷாயம்

சளி கஷாயம்

சளி கஷாயம்

 

தேவையானவை:

 

 இஞ்சி - 50 கிராம் (தோல் சீவிக்கொள்ளவும்)

 ஆடாதொடை இலை- ஒன்று

 தூதுவளை - 5

 கண்டங்கத்திரி இலை - 3

 துளசி இலை - 10

 முழு மிளகு - ஒரு டீஸ்பூன்

 தேன் - ஒரு டேபிள்ஸ்பூன்

 

செய்முறை:

 

தேன் மற்றும் மிளகு தவிர்த்து, மற்ற அனைத்துப் பொருட்களையும் தண்ணீர் சிறிதளவு விட்டு நன்றாக அரைக்கவும். அரைத்த விழுதைப் பிழிந்து வடிகட்டி சாறு எடுக்கவும். மண் சட்டியை அடுப்பில் வைத்து சூடாக்கவும். பிறகு, முழு மிளகு சேர்த்து வெடிக்க விடவும். தேன் சேர்த்து பொங்க விடவும். இத்துடன் வடிகட்டிய சாற்றை ஊற்றி ஒரு நிமிடம் கொதிக்க விடவும். பிறகு, அடுப்பை அணைத்து, இளம் சூட்டில் குடிக்கவும்.

 

பின்குறிப்பு:

 

தென் மாவட்டங்களில் சளி, ஆஸ்துமா காரணமாக சிரமப்படுபவர்களுக்கு, இந்த பானத்தைக் குடிக்கச் சொல்வார்கள் இதை மண்சட்டியில் மட்டுமே செய்ய வேண்டும். அப்போதுதான் தேன் பொங்கும். வழக்கமான சமையல் பாத்திரங்களில் இதன் பலன் கிடைக்காது.