கடலை மாவு தோசை

கடலை மாவு தோசை

கடலை மாவு தோசை

 

தேவையானவை:

 கடலை மாவு - 50 கிராம்

 எண்ணெய் - ஒரு டேபிள்ஸ்பூன்

 கோதுமை மாவு - 50 கிராம்

 இட்லிக்கு அரைத்த மாவு - 100 கிராம்

 சின்ன வெங்காயம் - 2 டேபிள்ஸ்பூன்

 பச்சைமிளகாய் - 2

 கொத்தமல்லித்தழை - சிறிதளவு

 உப்பு - தேவையான அளவு

 சீரகம் - அரை டீஸ்பூன்

 தண்ணீர் - தேவையான அளவு

 

செய்முறை:

வெங்காயம், பச்சைமிளகாய், கொத்தமல்லித்தழையைப் பொடியாக நறுக்கி வைத்துக் கொள்ளவும். ஒரு பாத்திரத்தில் தண்ணீர் சேர்த்து கடலை மாவையும், கோதுமை மாவையும் சேர்த்து கட்டியில்லாமல் ஒன்றாகக் கரைத்துக் கொள்ளவும். இதனுடன் சீரகம், இட்லி மாவையும் சேர்த்துக் கலக்கவும். இதனுடன் பொடியாக நறுக்கிய வெங்காயம், பச்சைமிளகாய், கொத்தமல்லித்தழை, உப்பு போன்றவற்றை சேர்த்து நன்கு கலக்கவும். தோசைக்கல்லை அடுப்பில் வைத்து ஒரு குழிக்கரண்டி மாவெடுத்து கல்லில் தோசையாக ஊற்றி, சுற்றிலும் எண்ணெய் சேர்த்து இருபுறமும் வேகவிட்டு எடுக்கவும். தொட்டுக் கொள்ள தக்காளி சட்னியுடன் பரிமாறவும்.

 

தோசைக்குத் தொட்டுக்கொள்ள தக்காளி சட்னி:

 

தேவையானவை:

 பெங்களூர் தக்காளி - 3

 பெரிய வெங்காயம் - ஒன்று

 உப்பு - தேவையான அளவு

 காய்ந்த மிளகாய் - 2

 எண்ணெய் - 2 டீஸ்பூன்

 

செய்முறை:

ஒரு வாணலியில் எண்ணெய் சேர்த்து சூடானதும், பொடியாக நறுக்கிய தக்காளி, வெங்காயம், காய்ந்த மிளகாயைச் சேர்த்து நன்கு வதக்கவும். இதில், தேவையான அளவு உப்பைச் சேர்த்து வதக்கவும். சூடு ஆறியதும், மிக்ஸியில் சேர்த்து அரைக்கவும். சுவையான தக்காளிச் சட்னி ரெடி.