ஸ்வீட் கார்ன் சிக்கன் சூப்

ஸ்வீட் கார்ன் சிக்கன் சூப்

ஸ்வீட் கார்ன் சிக்கன் சூப்

 

தேவையானவை:

 சிக்கன் ஸ்டாக் - ஒரு லிட்டர்

 சிக்கன் துண்டுகள் (சிறிதாக நறுக்கி

   வேக வைத்தது) - 100 கிராம்

 ஸ்வீட் கார்ன் க்ரீம் - 300 கிராம்

 வெங்காயத்தாள் (நறுக்கியது) - 20 கிராம்

 சோளமாவு - 15 கிராம்

 உப்பு - தேவையான அளவு

 வெள்ளை மிளகுத்தூள் - தேவையான அளவு

 சோயா சாஸ் - கால் டீஸ்பூன்

 சர்க்கரை - அரை டீஸ்பூன்

 முட்டை - ஒன்று

 தண்ணீர் - தேவையான அளவு

 

செய்முறை:

அடுப்பில் வாணலியை வைத்து, சிக்கன் ஸ்டாக்கை ஊற்றி சூடுபடுத்தவும். அதில் ஸ்வீட் கார்ன் க்ரீம், உப்பு, வெள்ளை மிளகுத்தூள், சோயா சாஸ் மற்றும் சர்க்கரையைச் சேர்த்துக் கொதிக்கவிடவும். சோளமாவை தண்ணீரில் கரைத்து, அதை சூப்பில் சேர்த்துக் கொதிக்கவிடவும். முட்டையை ஒரு பவுலில் உடைத்து ஊற்றி நன்கு கலக்கி, அதை சூப்பில் சேர்த்துக் கிளறவும். முட்டை வெந்து பச்சை வாசனை போனதும் வெந்த சிக்கனை சேர்த்து இரண்டு நிமிடம் கழித்து இறக்கி, வெங்காயத்தாள் தூவி சூப்பை சூடாகப் பரிமாறவும்.