நண்டு பிரட்டல்

நண்டு பிரட்டல்

நண்டு பிரட்டல்

 

தேவையானவை:

 நண்டு - அரை கிலோ

 சின்ன வெங்காயம் - 10

 தக்காளி - ஒன்று

 கறிவேப்பிலை - சிறிதளவு

 மஞ்சள்தூள் - ஒரு டீஸ்பூன்

 மிளகாய்த்தூள் - ஒரு டீஸ்பூன்

 எண்ணெய் - 2 டேபிள்ஸ்பூன்

 உளுத்தம்பருப்பு - ஒரு டீஸ்பூன்.

 உப்பு - தேவையான அளவு

 

அரைக்க:

 தேங்காய் - அரை மூடி (துருவிக் கொள்ளவும்)

 சோம்பு - 2 டீஸ்பூன்

 

செய்முறை:

நண்டை சுத்தம் செய்து கொள்ளவும். தேங்காயுடன் சோம்பு சேர்த்து மிக்ஸியில் அரைத்து வைத்துக் கொள்ளவும். வெங்காயம், தக்காளியைப் பொடியாக நறுக்கிக் கொள்ளவும். வாணலியில் எண்ணெய் ஊற்றி காய்ந்ததும் உளுத்தம்பருப்பு, வெங்காயம், கறிவேப்பிலை சேர்த்து நன்கு வதங்கிய பிறகு தக்காளியைச் சேர்த்து வதக்கவும்.இத்துடன் மஞ்சள்தூள், மிளகாய்த்தூள் மற்றும் உப்பு சேர்த்து நன்கு வதக்கி, சிறிது தண்ணீர் ஊற்றிக் கொதிக்க விடவும். நன்கு கொதித்த பிறகு நண்டுகளைச் சேர்த்து ஒரு கொதி வந்தவுடன் அரைக்கக் கொடுத்தவற்றைச் சேர்த்து பச்சை வாசனை போய், நண்டு வெந்ததும் இறக்கிப் பரிமாறவும்.