இறால் வறுவல்

இறால் வறுவல்

இறால் வறுவல்

 

தேவையானவை:

 இறால் - அரை கிலோ

 சின்ன வெங்காயம் - 15

 தக்காளி - ஒன்று

 கறிவேப்பிலை - சிறிதளவு

 மஞ்சள்தூள் - ஒரு டீஸ்பூன்

 மிளகாய்த்தூள் - ஒரு டேபிள்ஸ்பூன்

 உப்பு - தேவையான அளவு

 கடலை எண்ணெய் - 3 டேபிள்ஸ்பூன்

 உளுத்தம்பருப்பு - ஒரு டீஸ்பூன்

 சோம்புத்தூள் - ஒரு டீஸ்பூன்

 

செய்முறை:

இறாலை நன்கு சுத்தம் செய்து தனியாக எடுத்து வைக்கவும். அடுப்பில் வாணலியை வைத்து எண்ணெய் ஊற்றி காய்ந்ததும் உளுத்தம்பருப்பு, சின்ன வெங்காயம் மற்றும் கறிவேப்பிலை சேர்த்து நன்கு வதக்கவும். இத்துடன் பொடியாக நறுக்கிய தக்காளி, மஞ்சள்தூள், மிளகாய்த்தூள், உப்பு மற்றும் சோம்புத்தூள் சேர்த்து எண்ணெய் பிரியும் வரை நன்கு வதக்கவும் இதில் சுத்தம் செய்து வைத்துள்ள இறாலைச் சேர்த்து, சிறிது தண்ணீர் தெளித்து மிதமான தீயில் வைத்து வறுத்தெடுத்துப் பரிமாறவும்.