முட்டை உருளை கட்லெட்

முட்டை உருளை கட்லெட்

முட்டை உருளை கட்லெட்

 

தேவையானவை:

முட்டை - 4

உருளைக்கிழங்கு - கால் கிலோ

மஞ்சள்தூள் - அரை டீஸ்பூன்

மிளகாய்த்தூள் - ஒரு டேபிள்ஸ்பூன்

மல்லித்தூள் (தனியாத்தூள்) -

அரை டேபிள்ஸ்பூன்

உப்பு, எண்ணெய் -

தேவையான அளவு

பெரிய வெங்காயம் - ஒன்று

ரஸ்க் தூள் - 3 டேபிள்ஸ்பூன்

 

செய்முறை:

மூன்று முட்டைகளை வேகவைத்துக் கொள்ளவும். ஒரு முட்டையின் வெள்ளைக்கருவை மட்டும் தனியா, ஒரு பவுலில் எடுத்து வைக்கவும். உருளைக்கிழங்கை வேக வைத்துக் கொள்ளவும். வாணலியில் எண்ணெய் சிறிதளவு ஊற்றி பொடியாக நறுக்கிய வெங்காயம், மஞ்சள்தூள், மிளகாய்த்தூள், உப்பு, மல்லித்தூள் (தனியாத்தூள்) சேர்த்து நன்கு வதக்கி  இத்துடன் வேக வைத்த உருளைக்கிழங்கை மசித்து சேர்த்து வதக்கி அடுப்பை அணைக்கவும். வேகவைத்த முட்டைகளை கட்லெட் வடிவத்தில் நீள் வட்டமாக நறுக்கிக் கொள்ளவும். இனி முட்டைகளின் மீது வதக்கிய மசாலாக்களைத் தடவி வெள்ளைக்கருவில் முக்கியெடுத்து ரஸ்க் தூளில் புரட்டி வைக்கவும் அடுப்பில் தோசைக்கல்லை வைத்து, எண்ணெய் ஊற்றி சூடானதும் முட்டைத் துண்டுகளைச் சேர்த்து இரண்டு புறமும் திருப்பிப் போட்டு எடுத்துப் பரிமாறவும்.