புரோக்கோலி உருளைக்கிழங்கு வறுவல்
புரோக்கோலி உருளைக்கிழங்கு வறுவல்
தேவையானவை:
மீடியம் சைஸ் உருளைக்கிழங்கு - 3 (நீளமாக நறுக்கவும்)
மீடியம் சைஸ் புரோக்கோலி - 1 (சற்று நீளமான பூக்களாக நறுக்கிக் கொள்ளவும்)
பெரிய வெங்காயம் - 1 (மெல்லிய ஸ்லைஸ்களாக நறுக்கவும்)
நசுக்கிய பூண்டுப் பல் - 2
கறிவேப்பிலை- சிறிதளவு
மிளகாய்த்தூள் - ஒரு டீஸ்பூன்
மஞ்சள்தூள் - கால் டீஸ்பூன்
சீரகத்தூள் - கால் டீஸ்பூன்
உப்பு - தேவையான அளவு
தாளிக்க:
எண்ணெய் - ஒரு டேபிள்ஸ்பூன்
கடுகு - கால் டீஸ்பூன்
கடலைப்பருப்பு - 2 டீஸ்பூன்
சோம்பு - கால் டீஸ்பூன்
செய்முறை:
அடுப்பில் கடாயை வைத்து எண்ணெய் ஊற்றி, சூடானதும் கடுகைப் போட்டு வெடிக்க விடவும். இதனுடன் நசுக்கிய பூண்டு, கடலைப்பருப்பு, சோம்பு சேர்த்து வதக்கவும். பிறகு வெங்காயம், கறிவேப்பிலையைச் சேர்த்து இரண்டு நிமிடம் வதக்கவும். இதனுடன் உருளைக்கிழங்கு, மஞ்சள்தூள், தேவையான அளவு உப்பு சேர்த்து, இரண்டு நிமிடம் வதக்கவும். தீயை மிதமாக்கி மூடி போட்டு மூன்று நிமிடம் நன்கு வேக விடவும். தண்ணீர் சேர்க்க வேண்டாம். உருளைக்கிழங்கு முக்கால் பாகம் வெந்ததும், அதில் புரோக்கோலியைச் சேர்த்து சில நிமிடம் வதக்கவும். மிளகாய்த்தூள், சீரகத்தூள், தேவையான அளவு உப்பு சேர்த்து உருளைக்கிழங்கு கிரிஸ்பியாகும் வரை வதக்கி இறக்கிப் பரிமாறவும்.
No comments:
Post a Comment