பாதாம் அல்வா

பாதாம் அல்வா

பாதாம் அல்வா

 

தேவையானவை:

 

 பாதாம் - அரை கிலோ

 சர்க்கரை - அரை கிலோ

 நெய் - 150 கிராம்

 ஏலக்காய்த்தூள் - ஒரு டீஸ்பூன்

 பால் - 100  மில்லி

 குங்குமப்பூ - சிறிதளவு

 பிஸ்தா - அலங்கரிக்க

 

செய்முறை:

 

பாதாமை சுடு நீரில் ஒரு மணி நேரம் ஊறவைத்து அதன் தோலை உரித்து, பாலுடன் சேர்த்து மிக்ஸியில் மையாக அரைத்துக்கொள்ளவும். அடுப்பில் வாணலியை வைத்து 50 கிராம் நெய்யை ஊற்றி உருகியதும், பாதாம் கலவையை சேர்த்துக் கிளறவும். பிறகு, சர்க்கரை சேர்த்து அது கரையும் வரை கிளறவும். சர்க்கரை உருகி கலவை கெட்டியானதும், மீதம் இருக்கும் நெய்யை ஊற்றி ஏலக்காய்த்தூள் சேர்த்துக் கிளறவும். கலவை சுருண்டு வந்ததும் அடுப்பிலிருந்து இறக்கி குங்குமப்பூ தூவி, பிஸ்தா பருப்புகளால் அலங்கரித்துப் பரிமாறவும்.